Кыргызстандагы кырдаалды иликтөө үчүн Евразиялык экономикалык комиссиядан 18 инспектор келди

Евразиялык экономикалык комиссиянын 18 инспектору жана Бажы союзундагы өлкөлөрдүн өкүлдөрү (Орусия, Казакстан, Беларусь жана Армения) Кыргызстанга келишти. Бул тууралуу 17-февралда Ветеринардык жана фитосанитардык коопсуздук боюнча мамлекеттик инспекциядан билдиришти. Аталган инспекциянын инспекторлору кошулган жумушчу топтор текшерүү иштерин башташканы айтылды. Топтор төмөнкү багыттарды изилдешет:

Биринчи топ: Кыргызстандагы мекемелерди текшерет (Бажы биримдигиндеги өлкөлөргө эт, сүт азыктарын экспортоо багытындагы ишканалар).

Экинчи топ: Кыргызстандагы эпизоотикалык кырдаалга баа берүү боюнча иш жүргүзөт.

Үчүнчү топ: Кыргызстандагы азык-түлүктүн коопсуздугун иликтөө жаатында иштеген лабораториялар тутумунун ишине баа берүү боюнча иш жүргүзөт.

Төртүнчү топ: Кыргызстандын Мамлекеттик чек арасындагы көзөмөлдөп өткөрүү пункттарынын материалдык-техникалык абалын текшерет.

Бешинчи топ: Кыргызстанда ветеринардык багытта колдонула турган дарыларды көзөмөлдөө системинин ишине баа берүү боюнча алектенет. Айыл чарба жана мелиорация министрлигине караштуу Ветеринардык каражаттарды сертификациялоо борборунда, жаныбарлар үчүн дары чыгарган ишканаларда болот.

Автор: Автандил Добулбеков