Жылдыз Мамбеталиева юстиция министри болуп дайындалды

Бүгүн, 21-февралда президент Алмазбек Атамбаев кол койгон буйруктун негизинде Мамбеталиева Жылдыз Жээнбаевна Кыргыз Республикасынын Юстиция министри болуп дайындалды. Бул тууралуу КРнын Президентинин аппаратынын маалыматтык-саясат бөлүмү кабарлады.

Жылдыз Мамбеталиева тууралуу учкай маалымат:

Туулган жылы - 1971-жыл, 26-январь.

Туулган жери - Бишкек шаары.

Улуту - кыргыз.

Билими - жогорку, адистиги - укук таануу.

Билген тилдери - кыргыз, орус, англис.

Акыркы мезгилде иштеген кызматтары:

2005-2008-жылдары Кыргыз Республикасынын Өкмөтүнүн аппаратында укуктук камсыз кылуу жана кадрлар кызматы бөлүмүнүн башчысынын орун басары, 2008-жылдан бери юстиция министринин орун басары болуп иштеп келген.

Автор: Максат Кудайбердиев