Өмүрбек Текебаев: "Алдыбызда жаңы саясий маданиятты, жаңы жарандарды калыптандыруу милдети турат"

"Башкаруу системин реформалоо бийликти толугу менен бир колго же бир партияга топтолушуна каршы багытталган. Ошондуктан бийликти бөлүштүрүү вертикалдуу да, горизонталдуу да өзгөртүлгөн",- деп билдирди Жогорку Кеңештин депутаты Өмүрбек Текебаев 13-мартта Бишкекте өткөн эл аралык конференцияда.

Текебаев мурдагынын күүсү менен бийликтин бир колго топтолуп калган учурлар дагы бар экенин белгиледи. "Биздин алдыбызда жаңы саясий маданиятты, жаңы жарандарды, жаңы системди калыптандыруу милдети турат. Ал үчүн жергиликтүү өз алдынча башкаруу жаатындагы эл аралык тажрыйбаларды эске алуу менен, башкаруунун жаңы усулдарын колдонуу жана жергиликтүү өз алдынча башкаруу органдарын күчтөндүрүү зарыл",- дейт депутат.

Автор: Автандил Добулбеков