Акыркы суткада өлкөдө 5 өрт кырсыгы катталып, Лейлек районунда турак жай толугу менен күйүп кетти

Жарандык коргонуунун Өрткө каршы күрөшүү кызматынын маалыматы боюнча, өткөн сутка ичинде республиканын аймагында 5 өрт кырсыгы катталып, аларды өчүрүүгө 5 өрт өчүрүү бөлүмү тартылган. Бул тууралуу бүгүн, 17-мартта Өзгөчө кырдаалдар министрлигинен билдиришти.

Лейлек районуна караштуу Ай-Көл айылындагы турак жайлардын биринен өрт кырсыгы катталды. Анын кесепетинен 84 чарчы метр турак үйдүн жыгач устундуу, шифер жабылган чатыры, үй-мүлкү толугу менен күйүп кетти. Учурда өрттүн келип чыгуу себеби такталууда. Ошондой эле Жети-Өгүз районуна караштуу Кызыл-Суу айылында курулуш чарбасынын 10 чарчы метр жыгач шыбы күйүп кетти. Өрттүн келип чыгуусуна мештерди пайдаланууда коопсуздук эрежесинин бузулушу себеп болгон.

Автор: Мальвина Уметбекова