Кыргыз мамлекетинде 29-апрелде букмекер кеңселери жабылат

Кыргыз жеринде 29-апрелде букмекердик кеңселер жана тотализатор бюролору жабылат. Каржы рыногун жөнгө салуу жана көзөмөлдөө мамлекеттик кызматы аталган тармакка берилген лицензияларды жокко чыгара турганын жарыялады. Тийиштүү буйрук 2015-жылдын 16-апрелинде чыкты.

Букмекер кеңселерин жабууга багытталган "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү тууралуу" мыйзам парламент тарабынан 2015-жылдын 25-февралында кабыл алынган. Мыйзамга президент 13-апрелде кол койгон.

Кошумчалай кетсек, кыргыз мамлекетинде казинолордун иштешине 2012-жылдын 1-январында тыюу салынган.

Автор: Автандил Добулбеков