Өлкөдө 5 миң бала мектепте окубайт

Өлкөдө 5 миң баланын мектепте окубаганы жана 1000 баланын иштегени аныкталды. Муну бүгүн, 4-июнда балдарга арналган улуттук форум учурунда КРнын Вице-премьер-министри Дамира Ниязалиева билдирди. Анын айтымында, быйылкы жылдын биринчи кварталында 120 миң үй-бүлө текшерүүгө алынган.

“Республикада жалпысынан 528 штаб түзүлүп, алар өткөргөн жумуштун жыйынтыгында 15 миңден ашык наристе эмгек мигранттарынын балдары болуп эсептелери аныкталды. 6 миңден ашык бала кароосуз калган. Мунун жыйынтыгында 229 бала реабилитациялык-кризистик борборлорго жөнөтүлгөн, 300дөн ашуун бала өз ата-энесине кайтарылган. 500 балага ар кандай жардам көрсөтүлгөн, бирок ошол эле учурда жакыр жашоонун айынан 69 бала балдар үйлөрүнө өткөрүлүп берилген”,- дейт вице-премьер-министр.

Автор: Наргиза Бекжанова
Фото: Наргиза Бекжанова