Жети-Өгүз районунда өспүрүмдүн асынып алганы боюнча кылмыш иши козголду

Жети-Өгүз районунда өспүрүмдүн асынып алганы боюнча кылмыш иши козголду. Бул тууралуу бүгүн, 10-июнда Башкы прокуратуранын басма сөз кызматы билдирди.

Маалыматка караганда, Жети-Өгүз райондук прокуратурасына жергиликтүү тургундардын бири кайрылган. Анда ал Жети-Өгүз райондук ички иштер бөлүмүнүн кызматкери С.Дга жана С.Сыдыков атындагы орто мектептин жетекчилигине чара көрүүнү суранган. Анткени өспүрүм мектепте мазактоого кабылып, мындан улам 7-май күнү өз үйүндө асынып алган.

Учурда “өзүн өзү өлтүрүүгө жеткирүү” жана “шалаакылык” беренелери боюнча кылмыш иши козголуп, тергөө амалдары жүрүп жатат.

Автор: Бекжан Рыскулов