Кара-Көл шаардык архитектура жана шаар куруу бөлүмүнүн мурдагы башчысы кызмат абалынан пайдаланган

Кара-Көл шаардык архитектура жана шаар куруу бөлүмүнүн мурдагы башчысынын кызмат абалынан пайдаланганы аныкталды. Бул тууралуу бүгүн, 11-июнда Жалал-Абад облустук ички иштер башкармалыгынан билдиришти.

Маалыматка караганда, Кара-Көл шаардык архитектура жана шаар куруу бөлүмүнүн мурдагы башчысы Д.К. кызмат абалынан пайдаланып, шаар тургунуна суу фондунун аймагынан турак жай куруу үчүн уруксат кагазын даярдап берген. Учурда бул факт боюнча иликтөө иштерин Кара-Көл шаардык прокуратурасы жүргүзүп жатат.

Автор: Бекжан Рыскулов