Бишкек милициясы: "Мадина" базарындагы рейд көрсөтүлгөн чуулуу видео 2013-жылы тартылган"

Бишкек шаардык ички иштер башкы башкармалыгы бүгүн, 22-июнда "Кырк чоро" кыймылынын "Мадина" базарындагы рейди көрсөтүлгөн видео эски, 2013-жылы тартылган" деп билдирүү жасады. Бишкек милициясы аталган кыймыл базарда рейд өткөрбөгөнүн ырастайт. "Бишкек шаарынын Свердлов райондук ички иштер башкармалыгынын 10-башкармалыгы тарабынан жүргүзүлгөн териштирүүдө видео 2013-жылы тартылганы белгилүү болду. Замир Көчөрбаев (кыймылдын лидери) милиция кызматкерлери менен болгон телефондук сүйлөшүүдө видео эски экенин ырастады. "Мадина" базарында эч кандай рейд болгон эмес",- деп билдирет Бишкек ШИИББи.