Конституцияны өзгөртүү боюнча референдум менен парламенттик шайлоо бир күндө өтүшү мүмкүн

Конституцияны өзгөртүү боюнча референдумду парламенттик шайлоо менен бир күндө өткөрүүнү депутат Феликс Кулов сунуштады. Бул демилгесин ал бүгүн, 23-июнда Жогорку Кеңештин Адам укуктары, конституциялык мыйзамдар жана мамлекеттик түзүлүш боюнча комитетинин отурумунда билдирди.

Айта кетсек, парламенттик шайлоо өтчү күн азырынча так белгилене элек. Учурда парламенттик шайлоо 4-октябрда же 1-ноябрда өтөрү талкууланууда.

Ошондой эле бүгүн аталган комитет Баш мыйзамды өзгөртүү боюнча мыйзам долбоорун биринчи окууда колдоду.

Автор: Нургазы Аматов