Чет өлкөлөрдөгү согуштарга катышкан адамдарды 12 жылга чейин эркинен ажыратуу каралууда

Террористтик уюмдар тарабынан жалданып чет өлкөлөрдөгү согуштарга катышкан адамдарга карата жаза чаралары күчөтүлүүдө. Жогорку Кеңеш 25-июнда буга тиешелүү “Кыргыз Республикасынын Кылмыш-жаза кодексине өзгөртүүлөрдү жана толуктоолорду киргизүү жөнүндө” мыйзамдын долбоорун экинчи окууда добуш берүүгө жөнөттү. Мыйзам долбоору эл аралык террористтик жана экстремисттик уюмдардын, жалданма согушчан топтордун аракетине каршы күрөштү жандандыруу максатында иштелип чыккан.

"Террористтик уюмдар тарабынан жалданган жана өлкө аймагынан сырткары жерлерде атайын согуш даярдыгынан өткөн адамдарга карата 8 жылдан 12 жылга чейинки мөөнөттөгү жаза чаралары каралат. Ал эми алдын ала макулдашып алган адамдардын тобу же уюшкан кылмыштуу топтор тарабынан жасалган кылмыштар үчүн 12 жылдан 15 жылга чейинки жаза чаралары каралууда",- дешти демилгечилер.


РУБРИКАДАГЫ СОҢКУ КАБАРЛАР
Архив
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан