Быйылкы жылдын 5 айында жашы жете элек 58 бала өз өмүрүн кыйган

Быйылкы жылдын 5 айында 58 жаш бала өз өмүрүн кыйган. Муну бүгүн, 26-июнда өкмөттө балдарды коргоого арналган жыйындын жүрүшүндө КРнын Социалдык өнүгүү министри Кудайберген Базарбаев билдирди. Анын айтымында, бул фактылардын экөөсү боюнча "сырттан кысым көрсөтүлүп, өзүн өзү өлтүрүүгө түрткү болгон" деп кылмыш иши козголгон.

“2015-жылдын 5 айында эле суицидге барган балдардын саны 23,4 пайызга өскөн, алардын ичинен 77,5 пайызы мектеп окуучулары, анын ичинен 78 пайызы жетиштүү шартта жашаган үй-бүлөлөрдүн балдары болгон”,- деди министр.

Автор: Наргиза Бекжанова
Фото: Наргиза Бекжанова