Кыргыз жеринде "Автомобиль жолдору жөнүндө" мыйзамга өзгөртүү кирди

Мамлекет башчы Алмазбек Атамбаев бүгүн, 3-июлда "Автомобиль жолдору жөнүндө" КРнын мыйзамына өзгөртүү киргизүү тууралуу" мыйзамга кол койду. Документти Жогорку Кеңеш быйыл 4-июнда кабыл алган.

Мыйзам менен жол консультациялык кызматтарын көрсөтүүнүн тартиби жана көлөмдөрү, жол консультациялык кызмат көрсөтүүлөрдүн түрлөрүнүн бааларын аныктоо усулу, туруктуу техникалык көзөмөлдөө жүргүзүү жана буюртмачынын, көтөрмөчүнүн жана кеңешчи-инженердин өз ара мамилелери жөнүндө жобону Жогорку Кеңештин тиешелүү комитеттери менен макулдашуу талабы жоюлат.

Мыйзам расмий жарыяланган күндөн 15 күн өткөндөн кийин күчүнө кирет.

Автор: Автандил Добулбеков