Мелис Мырзакматов шайлоого чейин акталбай калышы мүмкүн

Ош шаарынын мурунку мэри Мелис Мырзакматов парламенттик шайлоого чейин акталбай калышы мүмкүн. Мындай пикирди анын жактоочусу Чынара Жакупбекова бүгүн, 19-августта маалымат жыйынында билдирди. "Мелис Мырзакматов парламенттик шайлоого чейин убакыттын тардыгынан улам сот тарабынан акталбай калышы ыктымал. Сот процессин атайын создуктуруу аракеттери жүрүп жатат. Бирок Мырзакматов убагы келгенде сөзсүз акталат",- деди жактоочу.

Эскерте кетсек, Ош шаардык соту Мелис Мырзакматовду сыртынан 7 жылга кескен, 17-августта облустук сот шаардык соттун чечимин күчүндө калтырды. М.Мырзакматов "Ата Мекен" партиясынан талапкерлердин тизмесинде 3-катарда турат.

Автор: Жамалидин Парманкулов