Мамлекеттик каттоо кызматынын жетекчиси Алина Шаикованын өкмөт жыйынына даярдыгы жок келгени сынга алынды

Бүгүн, 21-августта Өкмөт үйүндө парламенттик шайлоого карата даярдык боюнча маселе каралууда. Анда Мамлекеттик каттоо кызматынын жетекчиси Алина Шаикова ушул убакытка чейин канча жаран биометрикалык маалыматын тапшырганы боюнча так санын айта албай: "Менде бул боюнча так маалымат жок",- деди.

Бул боюнча өкмөт башчы Темир Сариев: "Эмне эле улам эле "около" деп жатасыз? Так санын бергиле да. Сиздерде дайыма так сан болуш керек. Шайлоо жакындап келе жатат",- деди.

Ал эми Алина Шаикова Бишкек, Ош, Жалал-Абад шаарларында канча жаран биометрикалык маалыматын тапшырганы боюнча маалыматы жок экенин айтты.

Автор: Жамалдин Парманкулов