Борбор калаада мурда соттолгон жаран алдамчылыкка шектелип кармалды

Бишкекте мурда соттолгон жаран алдамчылыкка шектелип кармалды. Бул тууралуу бүгүн, 11-августта ИИМдин басма сөз кызматы билдирди.

Үстүбүздөгү жылдын июнь айында милиция кызматкерлерине Бишкек шаарынын тургуну кайрылып, чала тааныш адам 85 миң сомун алып, бербей жүргөнүн айткан. Бул боюнча иликтөө иштери жүрүп, кылмышка шектүү катары 44 жаштагы М.С. кармалган. Учурда кылмыш иши козголуп, шектүү убактылуу кармоочу жайга киргизилген.

Кылмышка шектүү М.С. мурда да эки жолу сот жообуна тартылган.

Автор: Бекжан Рыскулов
Фото: ИИМдин басма сөз кызматы