Ошто 3 адамдын өлүмүнө шектелген жаран 20 жылдан кийин соттолду

Ошто 3 адамдын өлүмүнө шектелген жаран 20 жылдан кийин соттолду. Бул тууралуу бүгүн, 12-августта Ош облустук сотунан билдиришти.

Окуя 1996-жылдын 5-июлунда Ош шаарында болгон. Анда 1969-жылы туулган Р.З.Саттикулов шериктери Х.Токбаев жана М.Токбаева менен кылмыш жасоо жөнүндө алдын ала макулдашып, Ош шаарынын С.А. аттуу тургунунун үйүндө 1934-жылы туулган Д.В.П., 1964-жылы туулган К.Ю., 1965-жылы туулган Л.И.Пны балта менен чапкылап өлтүрүшүп, жансыз денелерин сууга таштап жиберишкен. Мындай ишке алардын 26 миң сомун алуу үчүн барышкан.

Бул боюнча Х.Токбаев жана М.Токбаева кылмыш жоопкерчилигине тартылып, Р.З.Саттикуловдун кайда экени белгисиз болгондуктан айыбы сыртынан угузулган.

2015-жылдын 4-ноябрында издөөдө жүргөн Р.З.Саттикулов кармалып, кылмыш иши жандандырылган. Ал эми 2016-жылдын 17-июлунда Ош шаардык соту аны өмүр бою эркинен ажыратып, үй-мүлкү конфискацияланган.

Жогоруда аталган ишти Ош облустук сотунун Жазык жана административдик укук бузуулар жөнүндөгү иштери боюнча соттук коллегиясы 9-августта карап, Ош шаардык сотунун 17-июлдагы өкүмү өзгөртүлгөн. Облустук соттун чечимине ылайык, Р.З.Саттикуловдун жазасы 20 жылга төмөндөтүлүп, өкүмдүн калган бөлүгү өзгөртүүсүз калтырылган.

Автор: Бекжан Рыскулов

16:40 12-08-2016

Жазылуу

РУБРИКАДАГЫ СОҢКУ КАБАРЛАР

21:55 2025-06-25 | Түркүн дүйнө

Трамп Ирандын өкүлдөрү менен качан сүйлөшө турганын айтты 63 0

21:26 2025-06-25 | Коом жана турмуш

Шашылыш билдирүү: Тоолуу райондордо сел жүрүшү мүмкүн 149 0

21:08 2025-06-25 | Саясат

Бактыбек Бекболотов ШКУнун катчыларынын жолугушуусуна катышты 88 0

20:35 2025-06-25 | Түркүн дүйнө

Иран Израилге тыңчылык кылууга шектелген 700 адамды камакка алды 762 0

19:58 2025-06-25 | Түркүн дүйнө

Шереметьеводо наристени ыргытып жиберген жаран 15 жылга эркинен ажыратылышы мүмкүн 1159 0

19:36 2025-06-25 | Түркүн дүйнө

Иран ядролук объекттери катуу жабыркаганын расмий түрдө тастыктады 1198 0

Архив

Комментарийлер (2)

aitowa11

2016-08-12 16:50:12

Ошондо Токтобаевтер камалган жокпу

alaibekovich

2016-08-12 17:19:38

Ошондо бул кыргыз милициясынын ар бир кылмышкерге жада калса 20жыл издеп болсо да таап жазасын адилеттуу турдо берип жатат деген РЕКЛАМАБЫ? Же озулорунун авторитетин которуубу... же чын эле кылмышты тапкынча тынбай иштеп, аракет кылып жатышабы?! андай болсо молодцы!!! а бирок кээ бир кылмыштарчы корсо да кормоксон болгон же Кызыл жол менен жоноткондорчу?? ЖооПсуЗ СурОоЛор

Комментарий калтыруу үчүн өз ысымыңыз менен кириңиз же каттоодон өтүңүз.