Ошто жасалма акча колдонгон жаран 8 жыл 6 айга эркинен ажыратылды

Ошто жасалма акча колдонгон жаран 8 жыл 6 айга эркинен ажыратылды. Бул тууралуу бүгүн, 16-августта Ош облустук сотунун басма сөз кызматы билдирди.

Мындай чечимди Ош шаардык соту 1-июлда чыгарган. Анда кылмышка шектүү Н.Рахманбеков “жасалма акчаларды сактоо жана аларды өткөрүү” беренеси боюнча айыптуу деп табылган. Жаза белгилөөдө анын мурда соттолгону жана андан жыйынтык чыгарбай кайра кылмышка барганы жоопкерчиликти оордотуучу жагдай катары эсептелип, мурдагы өкүм менен өтөлбөй калган жазалары жарым-жартылай кошулуп, 8 жыл 6 айга эркинен ажыратылган. Ал эми 10-август күнү аталган иш Ош облустук жазык жана административдик укук бузуу иштери боюнча соттук коллегиясында каралып, Ош шаардык сотунун
Н.Рахманбеков тууралуу өкүмү өзгөртүүсүз калтырылды.

Айта кетсек, Н.Рахманбеков үстүбүздөгү жылдын январь айында Ош шаарындагы акча алмаштыруучу жайлардын биринен жасалма 200 долларды алмаштырып качып кеткен. Анын кесепетинен акча алмаштыруучу жайдын ээси 15 миң сом зыян тарткан. Н.Рахманбеков 2015-жылдын 5-ноябрында Бишкек шаарынын Биринчи Май райондук соту тарабынан “алдамчылык” боюнча күнөөлүү деп табылып, 2 жылга соттолгон болчу. Ал эми жазасын Жазаларды аткаруу мамлекеттик кызматынын №48-мекемесинде өтөп жаткан. Өтөлбөгөн 10 ай 28 күн калган.

Автор: Бекжан Рыскулов
Фото: Интернеттен алынган

12:25 16-08-2016

Жазылуу

РУБРИКАДАГЫ СОҢКУ КАБАРЛАР

21:55 2025-06-25 | Түркүн дүйнө

Трамп Ирандын өкүлдөрү менен качан сүйлөшө турганын айтты 63 0

21:26 2025-06-25 | Коом жана турмуш

Шашылыш билдирүү: Тоолуу райондордо сел жүрүшү мүмкүн 149 0

21:08 2025-06-25 | Саясат

Бактыбек Бекболотов ШКУнун катчыларынын жолугушуусуна катышты 88 0

20:35 2025-06-25 | Түркүн дүйнө

Иран Израилге тыңчылык кылууга шектелген 700 адамды камакка алды 762 0

19:58 2025-06-25 | Түркүн дүйнө

Шереметьеводо наристени ыргытып жиберген жаран 15 жылга эркинен ажыратылышы мүмкүн 1159 0

19:36 2025-06-25 | Түркүн дүйнө

Иран ядролук объекттери катуу жабыркаганын расмий түрдө тастыктады 1198 0

Архив

Комментарийлер (6)

Alixan-Nookat.2015

2016-08-16 12:39:02

1000 деген элдин ырыскысын миллиондоп жеген чондор эмнеге андай 8 жыл 6 айга соттолбойт же чондор 1 жыл 2 ай элеби?

+12

Danik

2016-08-16 13:12:01

жакшы болуптур камалып

-1

Nurbol

2016-08-16 13:18:09

Биздин мыйзам тешилип калган элеке окшоп иштейт экен да,

Sagyn.91

2016-08-16 13:52:46

Акча алмаштыруучу жайда акчанын жасалма экенин кантип текшералбайт. Кызык.

aibars

2016-08-16 14:26:13

Жасалма акча колго тийгенде эле билинетко

Frunze74

2016-08-16 16:14:09

Миллиондорду жегендер 8 жыл эмес 8 саатка да камалбай эле кенири журушот го эл башкарып... Бул мыйзамдар "жогоркуларга" тиешелуу эмеспи, коррупция менен курошобуз деп ооз коптургон бийлик эмнени кыйратты? Коррупция кайра кучоп жатат азайбай эле. Анан миллиондорду жегендер кенири журот да кылы кыйшайбай, 200$алмаштырган, козу-тоок уурдагандар 5-10 жылга камалып кете берет, ушул эми адилеттуулукпу? Мактаган демократиянар ушулбу? Акчалуулардын гана заманы болуп калды тээ илгеркидей..

Комментарий калтыруу үчүн өз ысымыңыз менен кириңиз же каттоодон өтүңүз.