Сузак. "Казарман унаа жолунда 15 жаштагы баланы сүзүп кеткен" деген шек менен жергиликтүү тургун кармалды

"Сузак районунун Казарман автоунаа жолунда 15 жаштагы баланы сүзүп, качып кеткен" деген шек менен жергиликтүү тургун кармалды. Бул тууралуу бүгүн, 25-августта SUPER.KG порталына Жалал-Абад облустук патрулдук милициясынын кызматкери Нурлан Саркаров билдирди.

Маалыматка ылайык, 23-август күнү саат 21:00дө Сузак районунун Казарман унаа жолунун 25-чакырымында Багыш айыл аймагынын Беш-Бала айылынын 2001-жылы туулган К.К. аттуу тургунун белгисиз айдоочу Toyota үлгүсүндөгү унаасы менен сүзүп кеткен. Жабырлануучу жараат алып, жандандыруу бөлүмүнө жаткырылган.

"Өспүрүмдү сүзүп кеткен Сузак районундагы Курманбек айылынын 1974-жылы туулган А.Б. аттуу тургуну кармалды. Ал Сузак РИИБинин тергөө бөлүмүнө өткөрүлүп берилди", - деп билдирди Саркаров.

Автор: Акназар Сулайманкулов
Фото: Интернеттен алынды