Казакстанда кармалган куралчан топ 2001-жылдын 11-сентябрындагыдай теракт уюштурууну көздөгөн

Казакстандын Алматы облусундагы Иргели айылында кармалган 4 жаран 2001-жылдын 11-сентябрындагыдай теракт уюштурууну көздөгөн. Бул тууралуу Казакстандын Улуттук коопсуздук комитетинен кечээ, 5-сентябрь күнү билдиришти.

Аталган комитеттин антитеррордук штабынын өкүлү Сакен Мынбаевдин айтымында, учурда куралчан топтун өкүлдөрүнө “террорчулукту жайылтуу”, “террордук топ түзүү жана анын ишине катышуу” беренелери боюнча кылмыш иши козголгон.

“Кармалган куралчан топ Талдыкорган аэропортун изилдеп, жарандык жана аскердик учактарды ээлеп алып, теракт уюштурууну көздөгөн. Ошондой эле алардын бири өзүн өзү жардырууну пландаган. Алардын башында кыргыз жараны турган”, - дейт Сакен Мынбаев.

Айта кетсек, 18-август күнү Алматы облусунда Казакстандын Улуттук коопсуздук комитети тарабынан террордук топтун 4 мүчөсү кармалган. Алардын бири 1976-жылы туулган С.П. аттуу Кыргыз Республикасынын жараны болгон. Казакстандын Улуттук коопсуздук комитетинин маалыматына караганда, кармалгандардын жашаган жеринен жардыргыч заттар, диний-экстремисттик материалдар табылган. Алар алгач Улуттук коопсуздук комитетинин, полициянын, аскер бөлүктөрүнүн имараттарын, андан соң калк көп топтолгон аймактарды жардырууну көздөшкөн.

Автор: Бекжан Рыскулов

15:23 06-09-2016

Жазылуу

РУБРИКАДАГЫ СОҢКУ КАБАРЛАР

15:50 2025-06-25 | Кылмыштар, кырсыктар

Бишкекте сарайдан өрт чыкты (видео) 56 0

15:48 2025-06-25 | Түркүн дүйнө

Иран: Өзөктүк объекттерге чабуул келечекке чоң таасир этет 171 0

15:45 2025-06-25 | Кылмыштар, кырсыктар

Бишкекте мушташкан эки жигитке чара көрүлдү 122 0

15:16 2025-06-25 | Түркүн дүйнө

Иранды бомбалагыла... Трамп учактардын ыр менен коштолгон видеосун жарыялады (видео) 545 0

15:04 2025-06-25 | Коом жана турмуш

Адылбек Касымалиев Тяньцзинь шаарында кытай компанияларынын жетекчилери менен жолугушту 97 0

14:58 2025-06-25 | Саясат

Парламент төрагасы: "Кыргыз тилин жээрий берсек, жакынкы жылдары биз улут болбой калабыз" (видео) 223 0

Архив

Комментарийлер (1)

nalukg

2016-09-06 16:13:30

Terroristerdin ulutu jok. Alar adawkandar. Terorist kazaktanda kyrgyzdanda araptanda 4ygywy mumkun owon u4un alardy terorist dep ataybyz. Eger ulut koygunar kelse teror ulutunan dep koygula.jaratkan Al adawkandardan saktasyn.

Комментарий калтыруу үчүн өз ысымыңыз менен кириңиз же каттоодон өтүңүз.