Бишкекте нан бышыруучу жайга кирип, кызматкерди бычактап кеткен жаран кармалды

Бишкекте нан бышыруучу жайга мас абалында кирип, кызматкерди бычак менен сайып, тоноп кеткен жаран кармалды. Бул тууралуу бүгүн, 20-октябрда Бишкек ШИИББинин басма сөз кызматынан билдиришти.

Маалыматка ылайык, милицияга арыз менен 30 жаштагы К.Т. кайрылган. Анда ал кечээ, 19-октябрда саат 05:00 чамасында Пушкин көчөсүндө жайгашкан нан бышыруучу жайга мас абалдагы белгисиз жаран кирип, бөйрөк тарабына бычак сайып, чөнтөгүнөн 2 миң сом акчасын алып кеткенин билдирген. Жүргүзүлгөн иликтөө иштеринин алкагында кылмышка шектүү катары 24 жаштагы Т.Б. аттуу жаран кармалган. Учурда тергөө амалдары жүрүүдө.

Автор: Мальвина Уметбекова