Өткөн сутка ичинде өлкө аймагында эки жолу жер титирөө катталды

Өткөн сутка ичинде өлкө аймагында эки жолу жер титиреди. Бул тууралуу бүгүн, 20-декабрда Өзгөчө кырдаалдар министрлигинен билдиришти.

Маалыматка караганда, 19-декабрь күнү саат 16:57де Кытай Эл Республикасынын аймагында күчү 4-4,5 баллга жеткен жер титирөө болгон. Жер титирөө Алай районунун Нура айылында 2,5-3 баллга чейин сезилген. Ошондой эле кечээ, 19-декабрь күнү саат 21:53тө Жалал-Абад облусунун аймагында күчү 2,5-3 баллга жеткен жер титирөө катталган. Арал айылдарында 2,5-3 балл, Масы, Базар-Коргон айылында жана Кочкор-Ата шаарында 2 баллга сезилген.

Жер титирөөдөн кыйроолор жана жабыркагандар жок.

Автор: Бекжан Рыскулов