Чоң энесин мыкаачылык менен өлтүргөн жаран 15 жылга эркинен ажыратылды

Чоң энесин мыкаачылык менен өлтүргөн жаран 15 жылга эркинен ажыратылды. Бул тууралуу бүгүн, 21-декабрда Жалал-Абад облустук сотунун басма сөз кызматы билдирди.

Окуя 2015-жылдын 1-сентябрында саат 17:30 чамасында болгон. Анда 1990-жылы туулган Алишер Кыргызбай уулу мас абалда чоң энеси О.Тны эч себепсиз таяк менен башка чаап, өзүн жоготуп койгон учурда дөңгөч менен башына 3 жолу чаап жиберген. Натыйжада О.Т. алган жараатынан улам ошол жерден каза болгон.

Сузак райондук сотунун 2016-жылдын 21-сентябрындагы өкүмү менен Алишер Кыргызбай уулу (билими орто, эч жерде иштебеген, үй-бүлөлүү, 1 баласы бар, мурда соттолбогон) "алсыз абалда экендиги белгилүү болгон адамды өзгөчө мыкаачылык менен өлтүрүү" боюнча күнөөлүү деп табылып, 15 жылга эркинен ажыратылган. Жазасын күчөтүлгөн тартиптеги түзөтүү абактарында өтөй турганы белгиленген.

Ал эми соттун жогоруда айтылган өкүмү менен макул болбой соттолуучунун жактоочусу апелляциялык даттануу менен Жалал-Абад облустук сотуна кайрылып, Алишер чоң энесин атайылап өлтүрбөгөндүгүн көрсөтүп, соттолуучунун кылмыш аракетин "байкабастыктан өлүмгө дуушар кылуу" беренесине которууну суранган.

Жалал-Абад облустук соту кылмыш ишин карап, соттолуучунун жактоочусунун даттануусун канааттандырган жок, ошондой эле өзүнүн 2016-жылдын 30-ноябрындагы өкүмү менен Сузак райондук сотунун 2016-жылдын 21-сентябрындагы өкүмүн өзгөртүүсүз калтырды.

Автор: Бекжан Рыскулов

09:33 21-12-2016

Жазылуу

РУБРИКАДАГЫ СОҢКУ КАБАРЛАР

00:19 2025-06-24 | Түркүн дүйнө

Мирзиёевдин кызы президенттин администрациясын жетектемей болду 709 0

00:03 2025-06-24 | Түркүн дүйнө

The New York Times: Иран Катарга аба соккусу жөнүндө алдын ала эскерткен 1003 0

23:45 2025-06-23 | Коом жана турмуш

24-июнга карата аба ырайы 277 0

23:24 2025-06-23 | Түркүн дүйнө

Иран АКШнын Катардагы аскердик базасына чабуул жасады (видео) 1780 0

23:08 2025-06-23 | Түркүн дүйнө

НАТО АКШнын Иранга жасаган чабуулу эл аралык укукту бузбаганын билдирди 905 0

22:36 2025-06-23 | Түркүн дүйнө

Укол сайышкан. Франциядагы фестивалда көрүүчүлөргө кол салуу болду(видео) 1005 0

Архив

Комментарийлер (10)

Gulim_zamujem

2016-12-21 09:37:20

15 жыл аздык кылат мындай ХХХ!!!

admin_portal

2016-12-21 09:46:29

Gulim_zamujem, этика нормаларын сактаңыз!

-8

Adhambek

2016-12-21 09:53:29

Арактын кесепети ким ичсин дептир ХХХ

Revolyutsiya

2016-12-21 10:20:53

Сот адилет окум чыгарыптыр

Gulya21

2016-12-21 10:30:11

Kudai sakta

-2

engel

2016-12-21 11:18:34

Baikabastyk m-n 3jolu dongolok m-n urup jiberiptirbi??!!!! Adamdar mykaachy bolup baratabyz baikush kary adam...

Kakaly

2016-12-21 11:22:48

Акча бербей койгон окшойт.

aseras

2016-12-21 13:44:08

Kakaly,же акыл насаат айткан балам ичпе айланайын деген болсо созун жактырбай ушул ишти кылган((Эне деген кандай ыйык апандан да аяр жумшак мамиле жасап сени эркелеткен инсан...Жацы жаннаттан болсун энекебиздин

manachaka

2016-12-21 11:27:10

Омур бою турмого камаш керек. Озунун чон энесине кантип колу барды олтургонго.

nuris_ali

2016-12-22 02:59:14

Эмнеге аз эле жылга кесишкен!

Комментарий калтыруу үчүн өз ысымыңыз менен кириңиз же каттоодон өтүңүз.