"Эйрдизастер" уюму: Боингдин экипажы учакты кондурууда бийиктикти көзөмөлдөгөн эмес

16-январда "Манас" аэропортуна жакын жерге кулаган Боинг 747 учагынын экипажы учакты кондуруп жатканда бийиктикти көзөмөлдөгөн эмес. Мындай жыйынтыкка СССРдин курамында болгон мамлекеттердеги авиакырсыктарды иликтеген "Эйрдизастер" уюму келди.

"Учакта жалпы салмагы 85 миң 618 килограмм жүктө түрдүү турмуш-тиричилик электроника буюмдары болгон. "Манас" аэропортунда май толтуруу пландалган болчу. Аэропортко конуу түнү оор табигый шарттар да өтүп жаткан", - деп айтылат маалыматта.

"Боингдин экипажы учакты кондуруу аракетинде бийиктикти көзөмөлдөөнү жүргүзгөн эмес. Мындан улам саатына 370 чакырым ылдамдык менен учуп жаткан учак конууну белгиленген траекториядан 200 метрге жогору жерден баштаган. Экипаж мынтип коопсуз конуу мүмкүн эместигин эске албай койгон. Учак учуп-конуу тилкесинин үстүнөн толук өткөндө, экипаж жердеги белгилерди көрбөгөндүктөн 30 метр бийиктикте кайра айланып конууну чечкен. Бирок учак аэропорттун бетон тосмосун сүзүп, конуштун үстүнө кулап, өрттөнүп кеткен", - деген жыйынтыкка келди аталган уюм.

Айта кетсек, Боинг кырсыгын Мамлекеттер аралык авиация комитетинин алдында түзүлгөн комиссия иликтеп жатат. Ал окуядан 30 күн өткөн соң алдын ала жыйынтыгын чыгарыш керек экени айтылган. "Кулаган учакты пайдаланган Түркиянын Кырсыктарды иликтөө комитети алдын ала жыйынтыктын долбоору менен таанышууну сурагандыктан, бул документти жарыялоо Түрк тарабы комментарий бергенден кийин жарыяланат", - деп айтылган МАМдын маалыматында.

Боинг кырсыгынан улам "Аэрофлот" дачалык тилкесиндеги 17 үй толук жараксыз абалга келип, 6 үй жабыркаган. Окуя болгон жерден 34 адам каза болгон (алардын 17си жаш балдар). 14 адам жаракат алган, алардын бири 21-январда көз жумган. Экипаждын 3 мүчөсү кырсык болгон учурда каза тапкан, төртүнчүсү ооруканага жеткирилип бара жаткан жеринен көз жумган.

Автор: Нургазы Аматов

13:59 21-02-2017

Жазылуу

РУБРИКАДАГЫ СОҢКУ КАБАРЛАР

11:44 2025-06-23 | Саясат

Касымалиев мамлекеттик жана муниципалдык кызматкерлерди кесиптик майрамы менен куттуктады 103 0

11:43 2025-06-23 | Түркүн дүйнө

АКШнын Иранга сокку уруусунан кийин Нью-Йоркто нааразычылык акциялары башталды (видео) 271 0

11:27 2025-06-23 | Коом жана турмуш

Бишкекте Медеров көчөсүнүн дагы бир бөлүгү жабылат 126 0

10:54 2025-06-23 | Кылмыштар, кырсыктар

Өлкөдө бир суткада 20 өрт кырсыгы катталды 151 0

10:53 2025-06-23 | Түркүн дүйнө

Иран АКШнын чабуулуна жооп убада кылды 946 0

10:52 2025-06-23 | Коом жана турмуш

"Дордой" базары тараптан уулуу чаян табылды 743 0

Архив

Комментарийлер (17)

tulpar90

2017-02-21 14:08:11

Жалгандын эмне кереги бар. Алдай берип уялбайсыңарбы.

+14

Girl1996

2017-02-21 14:08:38

кайтыш болгондордун уй булосуно сабыр тилеймин, олум ар бир башта бар. Башка эмне айтаарымды да билбейм

Ronaldo.99

2017-02-21 14:22:42

Ушуга ким ишенмек эле.Тааак.Ошондо жук кимге тиешелуу болгон???

aseras

2017-02-21 14:33:24

Эгер алдап аткан болсо ылайым Аллахым бул дуйнодо ото катту жазанды берсин.Олгондордун арбагы урсун

+12

kenjebek_a

2017-02-21 14:39:46

СНБ жуктун салмагын аз айтты эле,85 тоннадан ашыкча экен го.Жуктун ээси Ким экен эми.

meni_kut

2017-02-21 14:47:21

Демек кыргызча инструкциясы бар техника буюмдар Туркияга бараткан тура.Тушунуктуу))Олгон пилотторду куноолоп койду.

Yktyjar

2017-02-21 15:02:57

Бул маалымат жалган просто жуктун ээсин жаап жашырып жатышат.

Azatbek83

2017-02-21 15:23:59

Болору болду мындан ары кайталанбаганга аракет кылышсында!! Карапайым элден топтолгон акчаны ошол карапыйм жабыркаган элге эртереек бергиле мындайында калп эле жакында жабыр тарткандар оздору кунолуу экен деп жыйылган акчаны товардын ээсине бердик болбосом биздин мамлекетти дуйнолук сотко берет экен деп жеп салбагыла.Экипаждар жок деп эле олгон адамга шылтоо кыла бербей жуктун ээсин тапсанар жакшы болмок.Кудайым устуртон карап турат ойлонуп иш кылалы туугандар жеп тойбодунорго бироонун ырыскысын

Kg.arts.

2017-02-21 15:37:00

Бул жерде жук кимге таандык деп жыйынтык чыгарган эмес кантип кулаганын иликтеп жазып жатат. Коментарийчилер Бир аз сабыр кылгыла.

Azatbek83

2017-02-21 15:47:14

Kg.arts.,Ооба эмне учун учак кулаган экенин айтканына тушундук.А бирок деген жери бар биротоло жуктун ээсинда табышса жакшы болмок да туурабы?Ушуну менен эле ишти жаап салабы?Айылда бироонун тоогун уурдасын аны соссуз таап мойнуна койуп камайт же акчасын алып коё берип азаматсын жакшы иш кылдын тез тез ушул ишинди жасап бизге келип тур деп койушат.Ошондуктан жуктун ээси табылсын оз жазасын алсын!Карапайым элге гана мыйзам журуп аларга мыйзам жок бекен? Аа алар мыйзам чыгаратта ошон учун оздоруну

Kg.arts.

2017-02-21 16:24:35

Azatbek83,Бул жуктун ээсин табуу Эйрдизастер ге тийешеси жок. Бул жерде ушул компания нын жыйынтыгын чыгарып жатат. А жуктун ээсин укмк, сот дегендер аныктайт.

tulpar90

2017-02-21 16:18:51

Жүк Атамбаевге таандык болгон. Түрктөр биринчи бирди сүйлөп андан кийин Путиндин чалуусунан кийин бирди сүйлөп эки жүздүүлүгүн көрсөтүп койду.

kenjebek_a

2017-02-21 16:41:32

Пилоттор олду куноону ошолорго артты.Эми жуктун ээсин айтса болот.Негизи ушул жук нито болуп жатат,биздикилерден болбосун да кудай сактап.Бизден чыкса бийлик олду Анда.

Derzki_kyrgyz

2017-02-21 17:16:08

Ошол куну кырсык болгон жерде бардык министрлерди коргондо эле билгем бир иш бар экенин. Ошондо аларда май куюга токтогонуна кайра кайра басым жасашкан.

Nur1k

2017-02-21 17:46:59

Жомоктон узундуго. Бул жерде адамдар олуп жатат эй ХХХ! Чындыкты айткыла!

admin_portal

2017-02-21 17:48:40

Nur1k, этика нормаларын сактаңыз!

-2

arzygulR

2017-02-22 01:50:40

Чындыкты бир гана Алла таала билет

Комментарий калтыруу үчүн өз ысымыңыз менен кириңиз же каттоодон өтүңүз.