Сокулук районунда уюлдук телефон тартып алган 51 жаштагы киши кармалды
Сокулук РИИБинин аймактык инспекторлору өткөргөн
оперативдүү-иликтөө иш-чараларынын жүрүшүндө кылмышка шектелип Военно-Антоновка
айылынын тургуну колго түшүрүлдү. Бул тууралуу Чүй облустук ИИБинин маалымат
кызматы билдирди. Сентябрь айынын баш чендеринде болжол менен саат 21:00
чамасында Ленин жана Токтогул көчөлөрүнүн кесилишинде 51 жаштагы жаран 31
жаштагы адамдын күч колдонуп уюлдук телефонун тартып алган. Бул факт боюнча Сокулук РИИБинин тергөө бөлүмү тарабынан
иликтөө жүрүп жатат.