Орусиянын Москва өрөөнүндө катуу шамалдан 13 адам каза тапты

Орусиянын Москва облусунун жана Москва шаарынын аймагында 29-майда жүргөн катуу шамал 13 адамдын өмүрүн алып кетти деп жазат ТАСС басылмасы. Акыркы маалыматтар боюнча 140ка жакын адам табият кырсыгынан жабыр тарткан. Борбор калаанын мэри Сергей Собянин Москванын жаңы тарыхында буга чейин мындай табият кырсыгынан масштабдуу жоготуу болбогонун айтат. Ал эми синоптиктер тургундарга аба ырайындагы мындай кубулуш кайрадан кайталанышы мүмкүн экенин билдирди.

Эксперттик кызматтардын маалыматында алгач 11 адам катуу шамалдан келип чыккан ар кандай кырсыктардан каза болгондугун белгилеп, бул болжолдуу цифра деп билдирген. 137 адам медициналык "Тез жардам" кызматына муктаж болгон. Кырсыктардын сүрөттөлүшү ар башка, мисалы, Кировоградск көчөсүндөгү аялдама шамалга туруштук бере албай, 1 адамды басып калып, ал натыйжада жан берген. "Шамал катуулап баштаганда 1 аял жана киши аялдаманын далдоосуна корунушкан. Аңгыча катуу шамал аялдаманы жыгып, киши качууга үлгүрбөй алдында калды", - деп белгилешет күбөлөр. Ал эми башка каза тапкан адамдардын өлүмүнө бак басып калуу, түрдүү металлдардын бөлүктөрү басып калган ар кандай кырсыктар себеп болгон. 11 өлүм 13 адамга жеткенин Москва облусундагы жоготуулар толуктайт. Тилекке каршы, алардын арасында 11 жашар кыз бар.

Алдын ала маалыматтарга караганда, Москва боюнча 3,5 миң бак-дарак катуу шамалдан улам кулап калган. 35 миңге жакын шаардык кызматкерлер жана 4,5 миң даана техника шаардагы абалды турукташтыруу иштеринин үстүндө иш алып барышууда. Алар авариялык абалдагы ток өткөрүүчү чубалгыларды, жарыгы өчкөн аймактарды калыбына келтирүү, кулаган бактардан шаар ичин тазалоо иштерин жүргүзүшүүдө.

Москвадагы катуу шамал

Автор: Гүлжан Асанкожоева
Фото: Интернеттен алынды

08:00 30-05-2017

Жазылуу

РУБРИКАДАГЫ СОҢКУ КАБАРЛАР

15:44 2025-06-22 | Түркүн дүйнө

Иранга болгон сокку... Йемен Кызыл деңиздеги америкалык аскерлерге чабуул коюуга даярданууда 320 0

15:12 2025-06-22 | Түркүн дүйнө

Ак үй АКШнын Иранга сокку уруусун байкап отургандардын кадрларын жарыялады 682 0

14:22 2025-06-22 | Кылмыштар, кырсыктар

Унаалар күйүп... Алматы-Бишкек унаа жолунда үрөй учурган жол кырсыгы катталды (видео) 1198 0

13:50 2025-06-22 | Коом жана турмуш

Кандуу согуш... 1941-жылы 22-июнда Улуу Ата Мекендик согуш башталган 613 0

13:25 2025-06-22 | Маданият, шоу-бизнес

Актан Арым Кубаттын тасмасы Кытайдагы кинофестивалда баш байгени утту (видео) 436 0

12:48 2025-06-22 | Саясат

Ташиев Ысык-Көлдөгү жыйында Чоң-Сары-Ой айыл өкмөт башчысын катуу зекиди (видео) 1224 0

Архив

Комментарийлер (15)

asi15

2017-05-30 08:05:37

"Кырсык каш кабактын ортосунда" деп бекер айтылбаган. Калгандары аман болушсун.

Jaziko80

2017-05-30 08:09:12

Ооба мен кордум кандай болгонун. Кудайым сактасын. Курулай дооматтан. Бей ажал олумдон. Айтылбай келген кырсыктан баарыбызды Кудайым озу сактасын.

klara0505

2017-05-30 08:11:09

kattuu shamal boldu chynynda..

madina.87

2017-05-30 09:09:36

Аллах озун сакта элимди.
Бузулган ,жарылгандардызынакорлордун айынан жер да чыдабай калды корунот.
Кырсык тез-тез болуп жатат.

Farhad.baku

2017-05-30 10:33:59

Аябай каттуу болду мен тогузунчу этажда жашайм бактарды жулуп кетти карап отуруп корктум

kalima88

2017-05-30 10:53:54

Заматта эле башталып кетти го, эстеп коркуп кеттим.
Мени машина тосуп калып, мага бутактары тийди.Шок абалда болуп ооруну сезбеген элем,бугун он жак капталым ооруп чыкты.

Тамыры менен эле оодарып салды, шамалдын кучуно дале тан калып бутпойм.

Rozhulun

2017-05-30 11:24:00

Квартирабызда эшике чыкпай иштегендер бар эле дарактарды бутаган окшойт деп келдиго кечинде.

Begimkyz

2017-05-30 12:00:48

Мен да жамгыр жаап атат окшойт деп эшике маани бербей эле жүргөн элем. Жумуштан чыксам дарактарды сындырып, гараждарды аңтарып коюптур. Түшүнбөй эле калдым эмне болгонун.

Zeinep_gunew93

2017-05-30 13:17:19

Бугун эртен да жамгыр дейт Москвада кун ысый элек ар эки кундо эле жамгыр жаап Кыргызстандагылар менен суйлошсок кун аябай ысып жатат дейт жонотуп жибергилечи бул жакка да))

solntse95

2017-05-30 14:00:41

Уйдон чыкпаганга мынчалык болгонун билбептирбиз. Кудай сактасын...

mirbek2211

2017-05-30 14:08:36

Жаман болду мен да көчөдөн үйгө кайттым эле,куюн болуп эле чанды асманга сапырып көз ачылбай көзгө кум кирип аран качып келдим кулап аткан дарактардан этияттап шамал бастырбай аркага жылдыра коёт.

satarovkubacom

2017-05-30 15:25:33

Кудай сактасын кече каттуу шамал болду Сыртка чыксам овещи саткандардын палаткаларын учуруп антарып алмаларын чачып салыптыр!!

kuba.kq8705

2017-05-30 20:03:35

Коментти окусам баарын эле москвадасынарго кыргызстанда адам калдыбы теги. Кырсыктардан Аллахым сактасын !

ZANIA-92

2017-05-30 21:06:51

ойтобоо. москоодо журуп ушундай катуу шамал болгонун билбептирмин. эмнеге бизди эрте кетирди жумуштан деп танкалып коем,корсо себеби ушул окуя окшойт.

Sharipa-asia

2017-05-31 13:54:02

Кудай сактай көр, ата-эне,балдарыбыздын алдына аман-эсен жетели!

Комментарий калтыруу үчүн өз ысымыңыз менен кириңиз же каттоодон өтүңүз.