Өткөн суткада Кыргызстан боюнча 9 өрт кырсыгы катталып, 2 унаа күйүп кетти

КРнын Өзгөчө кырдаалдар министрлигинин Өрт коопсуздугуна каршы агенттиги билдиргендей, өткөн суткада Кыргызстан боюнча 9 өрт кырсыгы катталды. Атай кетсек, Бишкек шаарында -3, Чүй облусунда -2, Ысык-Көл облусунда -2, ал эми Ош жана Баткен облусунда 1ден өрт кырсыгы орун алды. Ошондой эле бир сутка ичинде 2 автоунаанын күйгөнү белгилүү болду. 15-ноябрда Бишкектин Боталиев көчөсүнөн Мерседес-Бенц S 500 үлгүсүндөгү унаа белгисиз себептерден улам толугу менен күйүп кеткен. Ал эми Ош шаарындагы Масалиев көчөсүнөн Ауди 80 үлгүсүндөгү унаадан өрт чыгып, мотору күйүп кеткен.

Автор: Автандил Добулбеков