Жалал-Абад облусунун Сузак районуна 3-даражадагы өзгөчө кырдаал режими киргизилди. Бул тууралуу бүгүн, 24-апрелде ӨКМден билдирди.
Мекеменин маалыматына ылайык, райондун Барпы, Кызыл-Туу жана Сузак айыл өкмөттөрүндө сел жүргөн. Мындан сырткары Көк-Арт дарыясында суунун деңгээли көтөрүлүп, бир топ аймактарга кооптуулук жараткан.
Жеринде Өзгөчө кырдаалдар министрлигинен атайын инженердик техникалар тартылып, сел каналдарда тазалоо жумуштары жүрүүдө.
Эске салсак, кечээ, 23-апрелде Талас районуна, 22-апрелде Ош облусуна селден улам өзгөчө кырдаал режими киргизилген болчу.