Чүйдө милиция кызматкерлери күчөтүлгөн тартипте иштөөгө өттү

Чүй облусунун ички иштер органдарынын кызматкерлери аба-ырайынын кескин өзгөрүшүнө байланыштуу күчөтүлгөн тартипте иш алып барышууда. Бул тууралуу облустук милициянын басма сөз кызматы кабарлады.

Учурда Чүй облусунун ички иштер органдарынын кызматкерлери Транспорт жана коммуникация министрлигинин кызматкерлери менен биргеликте жолдорго кум-шагыл чачуу иштерин жүргүзүшүүдө.

"Ошондой эле милиция кызматкерлери айдоочуларга жолдо жүрүүдө этият болууга жана унаалар ортосундагы аралыкты так сактап, карама-каршы тилкеге чыкпоого чакырып түшүндүрүү иштерин жүргүзүшүп, коопту аймактарда унааларды чектөөгө алышып, бардык зарыл чараларды көрүшүүдө", - деп билдиришти Чүй ОИИББден.

Автор: Азат Бейшенбеков