Бишкекте 2,3 миллион сомго байланышкан алдамчылыкка шектүү кармалды

Бишкек шаарында алдамчылыкка шектелген жаран кармалды. Бул тууралуу Октябрь райондук ички иштер бөлүмү билдирди.

Маалыматка ылайык, милицияга бир жаран арыз менен кайрылган. Ал бир адам 2022-жылдын апрель айынан 2023-жылдын декабрь айына чейин ишеничине кирип, Анарбак жаңы конушундагы жер тилкесин трансформацияга чыгарып берем деген шылтоосу менен 2 миллион 300 миң сомун алдап кеткенин айткан.

Факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон.

Шектүү катары 35 жаштагы жаран кармалып, убактылуу кармоочу жайга киргизилген. Учурда анын ушул сыяктуу кылмыштарды жасоого катыштыгы бар-жогу аныкталууда.

Автор: Кылымбек Бейшеев
Фото: Октябрь РИИБ