Газада акыркы 24 саатта 140тан ашык киши набыт болду

Израилдин Газа тилкесине жасаган аскердик операциясынан улам акыркы 24 сааттын ичинде анклавда 144 палестиналык набыт болуп, 560 адам жаракат алды. Бул тууралуу Газанын Саламаттыкты сактоо министрлиги билдирди.

Палестиналык дарыгерлер 2023-жылдын октябрынан бери Газа тилкесинде курман болгондордун жалпы саны 55 миң 637ге, жарадарлардын саны 129 миң 880ге жеткенин белгилешти.

18-майда Израил Газа тилкесинде палестиналык ХАМАС кыймылын талкалоо үчүн атайын операциянын чечүүчү этабына киришкенин жарыялаган.

Автор: Кылымбек Бейшеев
Фото: Интернеттен алынды