Жалал-Абадда аз камсыз үй-бүлөлөргө жардам көрсөтүлдү

Жалал-Абад шаарында аз камсыз болгон 550 үй-бүлөгө жардам көрсөтүлдү. Бул тууралуу шаардык мэрия билдирди.

Андагы бир жаранга берилүүчү азык-түлүк баштыгынын баасы 6500 сомду түзөт.

Мындан сырткары, Кызыл Жарым Ай коому тарабынан шаардагы бир нече мекемелерге кондиционер орнотулду. Алар:

“Ак-жол” балдар үчүн комплекстүү реабилитациялык борбору;
Балдардын психоневрологиялык социалдык-стационардык мекемеси;
“Бакыт” ден соолукту калыбына келтирүү борбору;
“Жылмаюу” логопеддик мектепке чейинки билим берүү уюму;
Кургак учукту дарылоо тибиндеги №5 “Чолпон” мектепке чейинки билим берүү уюму;
“Үй-бүлөгө жана балдарга жардам берүү” кайрымдуулук борборунун карамагындагы майыптыгы бар балдардын реабилитациялык борбору.