Борбор калаада 6281 адам жер тилкесин алуу үчүн кезек күтүүдө

Бишкек шаарында 6281 адам жер тилкесин алуу үчүн кезекте турат. Мэриянын билдиришинче, Жеке турак жай куруу департаменти жер тилкесин алууга кезек күтүп тургандардын тизмесин жаңылады. Кезекте тургандардын тизмеси боюнча Бишкек шаардык кеңеши 2007-жылдын 9-июлунда "Бишкек шаарында жекече турак жай курууга жер тилкесин алуу үчүн жарандардын кезектүүлүгүн түзүү тартиби жөнүндө жобону" бекиткен токтом кабыл алган. Жаңыланган тизме ушул жобонун негизинде түзүлдү.

Автор: Автандил Добулбеков