Жогорку Кеңештин депутаттары Кытайдан мөмө-жемиштерди алып келүүгө тыюу салууну сунушташты

Бүгүн, 6-апрелде Жогорку Кеңештин Бюджет жана финансы боюнча комитетинин жыйында депутат Бактыгул Маматов базарларда Кытайдан келген мөмө-жемиштер толуп кеткенине нааразы экенин билдирди.

Анын айтымында, Кытайдан келген мөмө-жемиштерден жаш балдар ооруп калган учурлар көп байкалууда. "Кытайдан мөмө-жемиштерди импорттоого тыюу салыш керек. Эмнеге тиешелүү инспекция кытай продукцияларын текшербей жатат?"- деп сурады депутат.

Айыл чарба жана мелиорация министринин орун басары Жаныбек Керималиев мөмө-жемиштерди текшерген Ветеринардык жана фитосанитардык инспекция аталган министрликке баш ийбегендигин билдирди.

Автор: Нургазы Аматов
Фото: Нургазы Аматов