Депутаттар Баш мыйзамга өзгөртүүлөрдү киргизүүгө каршы чыгышууда

Бүгүн, 28-апрелде Жогорку Кеңештеги фракциялардын кеңейтилген жыйынында "Кыргыз Республикасынын Баш мыйзамына өзгөртүүлөрдү жана толуктоолорду киргизүү тууралуу" мыйзамы боюнча "Референдум жарыялоо жөнүндө (жалпы элдик добуш берүү)" мыйзам долбоорлору каралууда. Жыйында депутаттардын көпчүлүгү өзгөртүү киргизүүгө каршы пикирлерин айтууда.

Депутат Туратбек Мадылбековдун айтымында, Конституциянын айрым бөлүмдөрүн өзгөртүү мүмкүн эмес. "Бул Баш мыйзам дагы кыргыз мамлекетинин элинин добушу менен кабыл алынган. Ошол учурда коомдогу абал оор болгонуна карабай ызы-чуу түшүп жатып кабыл алганбыз. Ал эми сиз өзгөртүү киргизүү керек деп жаткан беренелерге өзгөртүү киргизүүгө мүмкүн эмес. Себеби "2020-жылга чейин өзгөртүүгө болбойт" деп вето коюлган",- деди Мадылбеков. Талкуу уланууда.

Автор: Жамалидин Парманкулов