Улукбек Марипов президенттик аппараттын башчысынын биринчи орун басары болуп дайындалды

Улукбек Марипов Кыргыз Республикасынын Президентинин Аппаратынын башчысынын биринчи орун басары болуп дайындалды. Тийиштүү жарлыкка мамлекет башчы Алмазбек Атамбаев кол койгонун 29-апрелде президенттик аппараттан билдиришти.

Эскерте кетсек, аталган кызматта буга чейин Икрамжан Илмиянов иштеп келген. Илмиянов жакында өз каалоосу менен кызматтан кеткен.

У.Марипов буга чейин өлкө башчы Алмазбек Атамбаевдин жардамчысы болуп иштеп келген.

Автор: Автандил Добулбеков