Жалал-Абад. Көчкү коркунучу бар жерлерге көчөттөр отургузулууда

Өзгөчө кырдаалдар министринин демилгеси менен ишке ашырылып жаткан “Жашыл” долбоордун алкагында Жалал-Абад облусу боюнча жаздын алды менен жумуштар башталды. Муну бүгүн, 29-апрелде аталган министрликтен кабарлашты.

Маалым болгондой, Жалал-Абад облусу боюнча “Жашыл” долбоорун ишке ашыруу боюнча 10 объект, андан кийин Сузак районунун Кызыл-Туу айыл аймагынан 2 объект кошумча киргизилген.

Бүгүнкү күндө Сузак районуна караштуу Кызыл-Туу айыл аймагынын Соку-Таш, Ак-Булак айылдарында көчкү коркунучу бар 4 гектар аянтка ашар жолу менен 1600 түп жаңгак, 600 түп бадам көчөтү тигилип, айланасын тосуу үчүн ӨКМ тарабынан 164,4 миң сом акча каражаты бөлүнүп берилди.

Базар-Коргон айыл аймагынын Беш-Бадам айылындагы көчкү коркунучу бар 2 гектар жер аянтына бүгүнкү күнү 500 түп долоно, 500 түп алча көчөтү, 70 килограмм бадам уругу эгилип, буга 100 миң сом бөлүндү.

Аксы районундагы Авлетим айыл аймагынын Көк-Жаңгак тилкесинин көчкү коркунучу бар 6,1 гектар, Кашка-Суу айыл аймагынын Өлөң-Булак айылынын жанындагы 5,1 гектар жер аянттарынын айланасын тосуп, керектүү көчөттөрдү отургузуу иши Бириккен Улуттар Уюмунун "Өнүктүрүү" программасы тарабынан аткарылууда. Бүгүнкү күнгө Кашка-Суу айылына 3000 түп жаңгак, 1000 түп өрүк, 1000 түп алма, 500 түп терек, 500 түп кара жыгач, Авлетим айылына 2000 түп жаңгак, 3000 түп өрүк, 3850 түп кара жыгач көчөттөрү отургузулуп, айланасын тосуу жумуштары кызуу жүргүзүлүүдө.

“Жашыл” долбоорунун ишке ашырылуучу жумуштары аталган аймактарда май айында толук бүткөрүлмөкчү.

Автор: Наргиза Бекжанова
Фото: КРнын ӨКМнын басма сөз кызматы

17:51 29-04-2015

Жазылуу

РУБРИКАДАГЫ СОҢКУ КАБАРЛАР

23:52 2025-07-24 | Түркүн дүйнө

Камбоджа Таиланд менен болгон жаңжалдан улам 5 миң кишини эвакуациялады 542 0

23:34 2025-07-24 | Түркүн дүйнө

Трамп Илон Маскка жамандык каалабай турганын билдирди 455 0

22:54 2025-07-24 | Түркүн дүйнө

Таиланд согуш аяктагандан кийин гана Камбоджа менен сүйлөшүүгө барарын билдирди 889 0

22:10 2025-07-24 | Саясат

Бишкек мэриясында кызматтан алынган үч жетекчинин ордуна жаңы кызматкерлер дайындалды 684 0

21:35 2025-07-24 | Түркүн дүйнө

Таиланд Камбоджа менен болгон кагылышта 11 жараны набыт болгонун билдирди 822 0

20:49 2025-07-24 | Коом жана турмуш

Президент ЖАМКынын төрагасы Чыңгыз Кожошевге сөгүш жарыялады 1194 0

Архив

Комментарийлер (1)

balapan

2015-04-29 19:30:01

Абдан жакшы иш чара болуп жаткан экен, эми ушунча мээнетти талаага кетирбей жаны тигилген жаш кочотторду жакшылап кароо керек, мал баккандар кой, эчкилерине жедирип кажытып жибербестен.

Комментарий калтыруу үчүн өз ысымыңыз менен кириңиз же каттоодон өтүңүз.