Алмаз Алимбеков "Кыргыз алтындын" директорунун милдетин аткаруучу болуп дайындалды

Алмаз Алимбеков "Кыргыз алтын" ишканасынын директорунун милдетин аткаруучу болуп дайындалды. Тийиштүү жарлыкка 29-апрелде өкмөт башчынын милдетин аткаруучу Жоомарт Оторбаев кол койгонун өкмөттөн билдиришти. Анын талапкерлигин ишкананын Директорлор кеңеши сунуштаганы айтылды. А.Алимбеков өкмөттүн өнөр жай, отун-энергетикалык комплекси бөлүмүнүн башчысынын орун басары болуп иштеп келген.

Эскерте кетсек, "Кыргыз алтындын" башчысы Токон Мамытов 10-апрелде кызматтан кеткен.

Автор: Автандил Добулбеков