Эксперт: “Электр станциялар” ишканасы Казакстанга электр энергиясын сатып, мамлекетке 35 миллион сомдон ашык зыян келтирди"

“Электр станциялар” ишканасы Казакстанга электр энергиясын сатып, мамлекетке 35 миллион сомдон ашык каражатка зыян келтирди. Бул тууралуу бүгүн, 30-апрелде маалымат жыйынында эксперт Расул Үмбөталиев билдирди. Анын айтымында, былтыр “Электр станциялар” ачык акционердик коому Казакстанга 0,001 центтен же 5 тыйындан 126 миллион 40 миң киловатт-саат электр энергиясын экспорттогон.

“1 киловатт-сааттын минималдуу баасы 2013-2014-жылдары 4 центтен деп коюлган. Эгер биз электр энергиясын 4 центтен экспорттогондо 5 миллион доллар же 250 миллион сом алмакпыз. Бирок андай болгон жок, мага келген так маалыматка ылайык, ушул кышкы мезгилге Казакстандын Жалбыз ГЭСинен 5 сом 61 тыйындан 126 миллион 40 миң киловатт-саат электр энергиясын сатып алдык. Мунун жыйынтыгында 707 миллион 84 400 сом зыян тарттык. Бул сумма элибиздин моюнуна илинди. Ошонун айынан жарыкка болгон тарифтер өстү”,- деди эксперт.

Автор: Наргиза Бекжанова
Фото: Наргиза Бекжанова