Депутаттар 9-майда президенттин ордуна ким элге кайрылуу жасаарына кызыгышты

Жогорку Кеңештин 30-апрелдеги жыйынында депутаттар 9-майда Бишкекте Улуу Жеңишке арналган иш-чарада ким элге кайрылуу жасаарына кызыгышты.

Президенттин Жогорку Кеңештеги өкүлү Молдакун Абдылдаевдин айтымында, аталган иш-чарада элге кайрылуу укугу президенттен Жогорку Кеңештин төрагасына өтөт. "Ал эми аскердик парадды Куралдуу күчтөрдүн Генералдык штабынын башчысы Асанбек Алымкожоев кабыл алат",- деди Абдылдаев.

Айта кетсек, 9-майда президент Алмазбек Атамбаев Орусиянын Москва шаарында Улуу Жеңиштин 70 жылдыгына арналган майрамдык иш-чарага катышмакчы.

Автор: Нургазы Аматов