Нарындагы мектептерде бүтүрүү сынактарын өз учурунда өткөрүү тапшырмасы берилди

Бүгүн, 11-майда "Биздин мектеп" долбоорунун алкагында билим берүү жана илим министринин орун басары Токтобүбү Ашымбаева Нарын районундагы Б.Бекжанов атындагы орто мектептин мугалимдер жамааты жана 11-класстын окуучулары менен жолугушту. Бул тууралуу министрликтин маалымат кызматы билдирди.

"Жолугушууда Ашымбаева Нарын облусунун райондук билим берүү бөлүмдөрүнүн жетекчилерине окуу жылынын аякташынын алкагында бүтүрүү кечелерин жана бүтүрүү сынактарын так, өз учурунда, ар кандай тартип бузууларга жол бербей, мыйзам чегинде аткарылышын көзөмөлгө алууну тапшырды",- деп айтылат маалыматта.

Автор: Автандил Добулбеков