Балдарды коргоо күнүн утурлай Бишкекте 3 кичи футбол майданы ишке кирди

Бишкектин Биринчи Май районунун Касым, Мурас-Ордо жана Тынчтык конуштарында 1-Июнь - Балдарды коргоо күнүн утурлай 3 кичи футбол майданы ишке кирди. Футбол майдандары жана машыгуу залдары жаштарды сергек жашоого үндөө максатында курулду.

Мэриядан кабарлашкандай, иш-чаранын ачылышына район башчысы Аскербек Алиев катышып, балдарды келе жаткан Эл аралык балдарды коргоо күнү менен куттуктады. АРИСтин колдоосу менен курулган машыгуу залдарына жалпысынан 4 миллион 500 миң сом сарпталган. Май-июнь айларында дагы 12 оюн аянтчасы жана машыгуу залы ачылары күтүлүүдө.

Автор: Максат Кудайбердиев