Жалал-Абад облусунда бир сутка ичинде жол эрежесин бузган 147 факты катталды

Жалал-Абад облусунда бир сутка ичинде жол эрежесин бузган 147 факты катталды. Бул тууралуу Жалал-Абад облустук ички иштер башкармалыгынын маалымат кызматы билдирди. Жол коопсуздугу боюнча кызмат бир сутка рейд жүргүзүп, рейд учурунда транспорт кырсыгы болбогону айтылды.

Жүргүзүлгөн рейддин жыйынтыгында:

- Жалал-Абад шаарындагы Барпы театрынын астында Сузак районунун Кара-Дарыя айылынын 9-классынын окуучу кызы жана Сузак районунун Октябрь айылынын 11-классынын окуучусу автоунааны документи жок айдап жүргөн жеринен кармалып, автоунаа айып короого киргизилди;

- Курорт зонасында жүргөн Жалал-Абад шаарындагы мектептердин биринин 10-классынын 5 окуучусу автоунааны документи жок айдап жүргөн жеринен кармалып, автоунаасы айып корооого киргизилди;

- Ноокен районунун Масы айылында окуучулар Ф-Жетта автоунаасын желек менен жасалгалап башкарып жүргөн жеринен өз убагында кармалып, түшүндүрүү иштери жүргүзүлүп, автоунаа атайын айып короосуна киргизилди;

- Ал эми Ноокен районунун Бүргөндү айыл округунда жайгашкан мектептин 11-классынын окуучулары Жалал-Абад шаарындагы кафелердин биринде отурган жеринен кармалып, окуучулардын ата-энелери, мектеп мугалимдери чакыртылып, түшүндүрүү иштери жүргүзүлдү.