Депутат: "Тогуз-Торо районунун Кылдоо аймагында 5 тонна алтын бар"

"Макмал" комбинатынын жетекчилиги Кылдоо деген жердеги кенди иштетүү маселесин чечип берүүнү өтүнүүдө",- деп билдирди депутат Нурбек Касымбеков Жогорку Кеңештин 11-июндагы жыйынында. Депутаттын айтымында, иштеп жатканына 29 жыл болгон Тогуз-Тородогу "Макмал" алтын кен комбинатында абал кыйла оорлошуп турат. Кен азайгандыктан, чыгашасы көп болууда.

"Кылдоодо 5 тонна алтын бар. Өкмөт жерди трансформациялоо маселесинин чечилишин тездетиши зарыл. Бул маселе чечилсе, жергиликтүү калк жумуш менен камсыз болот",- дейт депутат.

Автор: Жамалидин Парманкулов