2015-жылдын 5 айында республикалык бюджетке 39,4 миллиард сом түштү

2015-жылдын январь-май айларында республикалык бюджетке ресурстардын түшүүсү 39 миллиард 456 миллион 900 миң сомду түздү. Бул тууралуу бүгүн, 16-июнда Каржы министрлигинен билдиришти. Түшкөн ресурстардын басымдуу бөлүгүн төмөнкүлөр түздү:

Мамлекеттик бажы кызматы тарабынан түшүүлөр – 35,9 пайыз;

Мамлекеттик салык кызматы тарабынан түшүүлөр – 32,3 пайыз;

Мамлекеттик казыналык векселдерден түшкөн кирешелер – 6,6 пайыз;

Бюджеттик ссудаларды кайтаруудан түшүүлөр – 3,5 пайыз.

"Салыктык түшүүлөрдүн жалпы көлөмү 26 миллиард 902 миллион 500 миң сомду түздү же план 102,1 пайызга аткарылды. Өткөн жылдын ушул мезгилине салыштырмалуу киреше 2 миллиард 673 миллион 900 миң сомго көбөйдү. Мамлекеттик бажы кызматы боюнча түшүү 14 миллиард 153 миллион 500 миң сомду түздү же пландын аткарылышы 101,7 пайызды камсыздады",- деп билдирет мекеме.

Автор: Автандил Добулбеков