Тамчыдагы аэропорт жакында толук кандуу эл аралык аэропортко айланарын айтты мамлекет башчы

Мамлекет башчы Алмазбек Атамбаев 23-сентябрда Ысык-Көл районунун жана Чолпон-Ата, Балыкчы шаарларынын жашоочулары менен жолугушту.

Облустун инфраструктурасын жакшыртуу тууралуу пикирин билдирген президент Бишкек-Балыкчы-Казарман альтернативдик унаа жолун куруу мындан кийин Ысык-Көлдүн түштүк жээги аркылуу улантыларын, Тамчы айылындагы аэропорт жакынкы жылдары күнү-түнү аба кемелерин кабыл алуучу толук кандуу эл аралык аэропортко айланарын айтты.

"Кытай-Кыргызстан-Өзбекстан темир жолунун, Түндүк-Түштүк альтернативдик унаа жолдун курулушунун аякташы Балыкчы шаарын толук кандуу логистикалык борборго айлантарын кошумчалады. Мектептердин жетишсиздиги тууралуу суроо берилгенде, президент жакынкы эки жылдын аралыгында “Жер-Үй” кенин иштетүүдөн түшкөн каражаттын эсебинен бардык авариялык абалдагы мектептер оңдоодон өтүп, жаңы мектептер курулуп, өлкөдө мектептердин тартыштыгы толук чечилерин айтты",- деп билдиришти президенттик аппараттан.

Автор: Автандил Добулбеков