Омор Султанов, Эл акыны: “Китепти көп окуган адам эч качан кылмыш жасаганга барбайт”

Омор Султанов

“Китепти көп окуган адам эч качан кылмыш жасаганга барбайт”. Мындай пикирин Кыргыз Эл акыны, прозаик Омор Султанов бүгүн, 13-октябрда журналисттерге берген маегинде айтты. Акын китеп сүйгөн адам руханий жактан байып, жакшы-жаманды айрып биле турганын белгиледи.

“Адамдарды китепти көп окууга чакырат элем, анткени ал билим алат, поэзияны түшүнөт. Көркөм чыгарманы тамшана окуган жаран адам өлтүрүү эмес, чычкан өлтүрө албайт.

Ошол эле учурда күндөн-күнгө китеп окугандар азаюуда деп айтышууда. Мен буга кошулбайм, кайсы бир убакытта адамдар китепти көп окуганга өтүшөт. Ал эми жаштардын китепти көп окубай жатканына алар күнөөлүү эмес, буга жаңы технологиялар жана заман себепкер. Бирок "беш кол тең эмес" дегендей, акылдуу, таланттуу жаштар сөзсүз китепти окуйт, ансыз болбойт”,-деди акын.

Айта кетсек, Улуттук китепканада Омор Султановдун 80 жылдыгына арналган азем өтүп жатат. Ага мамлекеттик жана коомдук ишмерлер, акын-жазуучулар, студенттер катышууда.

13:46 13-10-2015

Автор: Наргиза Бекжанова
Фото: Наргиза Бекжанова

Жазылуу

РУБРИКАДАГЫ СОҢКУ КАБАРЛАР

21:47 2024-05-07 | Коом жана турмуш

Сузакта кырсыкта жабыркагандарга психологдор жардам көрсөтүүдө 304 0

21:11 2024-05-07 | Саясат

Куала-Лумпур шаарында кыргыз-малайзия кызматташтыгын өнүктүрүү маселелери талкууланды 200 0

20:48 2024-05-07 | Спорт

Кыргыз көркөм гимнастчылары Ташкенттеги Азия чемпиондугунда 3-орунду ээледи 337 0

20:32 2024-05-07 | Бизнес-Инфо

«О!Деньги» капчыгы: 300дөн ашуун мамлекеттик кызмат көрсөтүүлөрдү бир тиркемеден онлайн төлөө 186 0

19:03 2024-05-07 | Түркүн дүйнө

"Ийнеликтин, бактын элесин чагылдырган көйнөктөр". Нью-Йоркто "Мода баллы-2024" кечеси өттү 963 0

18:26 2024-05-07 | Коом жана турмуш

Дүйнөдөгү эң жакыр өлкөлөрдүн тизмеси жарыяланды. Кыргызстан канчанчы орунда? 3563 0

Архив

Комментарийлер (4)

alooke

2015-10-13 13:58:14

Китеп көп окугандар кылмыш кылбайт дейт. Кеп кандай китеп окуганда. Детектив китептер, криминал, ыпластыктарга шыкалган китептерди окугандарга кепилдик жок. Айтматов менен Касымбековду, Даникеевди, Жусуев менен Эралиевди окугандар барбашы мүмкүн...

Medina87

2015-10-13 14:33:39

Азыр технологиянын онуккон мезгилинде китеп бетин ачкан, кызыгып окуган эч кимди деле корбойм. Дээрлик баарыбыз интернет пайдаланабыз. Ар бир атуул оз алдынча келечекке коз жугуртуп конбодукпу. Омор агай бирок негизинде туура айткан.

Мэри

2015-10-13 14:38:42

Кутман курагыңыз кут болсун!
Омор агайдын калемине таандык керемет ырларга сонун обондор чыгарылып, ырдалып жүрөт.
Ошол ырлары үчүн терең ыраазычылык!

Bermet_Kasymova

2015-10-13 16:13:36

Туура. Абдан оптимист адам окшойт:)

Комментарий калтыруу үчүн өз ысымыңыз менен кириңиз же каттоодон өтүңүз.