Крым. Андагы 2 миллиондой киши жарыксыз калды

Крым 22-ноябрда саат түнкү бирге жакын жарыксыз калды. Украиналык радикалдар аталган жарым аралды энергетикалык блокадага алуу аракетин ишке ашырды (Херсонск облусундагы электр линиялары тартылган мамыларды бузушкан). Аймакта 2 миллиондой киши жарыксыз калды. Социалдык маанидеги мекемелер генератор менен иштөөгө өтүшсө, турак үйлөрдө таптакыр электр энергиясы жок. Крымда чукул кырдаал жарыяланып, 23-ноябрда Крымда жана Севастополдо мамлекеттик кызматкерлерден башкасына дем алыш жарыяланды.

Эскерте кетсек, Крымга электр энергиясы Украинадан 4 линия аркылуу алынчу. Учурда бузулган мамыларды оңдоо иштери жүрүп жатканы айтылды.

Автор: Автандил Добулбеков