Бакыт Сыдыков: “Өкмөт элдин электр кубаты, таза суу маселесин чечип бербесе болбойт”

Бүгүн, 3-декабрда Жогорку Кеңештин жыйынында депутат Бакыт Сыдыков шайлоочулардын таза суу, электр кубаты жана ички жолдорду оңдоп-түзөө маселелерин козгоду.

Эл өкүлү жогорудагыдай көйгөйлөргө карата Жалал-Абаддын Ноокен районундагы Момбеков атындагы айыл өкмөтүндө курч турган таза суу, электр кубаты жана ички жолдордун абалы боюнча мисалдарды келтирди. Ал ички жолдорду оңдоп-түзөө маселесин Транспорт жана коммуникациялар министрлигине өткөрүп берүү зарыл деген пикирде. “21-кылымдагы өнүгүү маалында өкмөт электр кубаты, таза суу маселесин чечип бербесе болбойт”,- деди Сыдыков.

Автор: Жамалидин Парманкулов