Алмазбек Атамбаев 6 миллионунчу жаран менен бирдей убакытта төрөлгөн 13 ымыркайдын үй-бүлөсүнө 1,4 миллион сом бөлдү

Мамлекет башчы Алмазбек Атамбаев өлкөнүн 6 миллионунчу жараны Айлин Кожошева менен бирдей убакытта төрөлгөн 13 ымыркайдын үй-бүлөсүнө жардам катары 1 миллион 400 миң сом бөлүү тууралуу жарлыкка кол койду.

27-ноябрда 6 миллионунчу жаранды аныктаган комиссия 25-ноябрь, саат 18:00дөн 26-ноябрь, саат 06:00гө чейинки аралыкта төрөлгөн 122 ымыркайдын тизмесин президенттик аппаратка сунуштаган. Мунун ичинен 6 миллионунчу жаран төрөлгөн убакытка жакын жарыкка келген 10 ымыркай аныкталган. Мунун үчөөсү Ош облусунда, бирөөсү Ош шаарында, экөөсү Нарын, экөөсү Жалал-Абад облусунда, бири Ысык-Көл, дагы бири Баткен облусунда жарыкка келишкен ымыркайлар. 6 уул, 4 кыз.

Бишкек шаарында, Талас жана Чүй облусунда туулган ымыркайлар алдынкы ондукка киришкен эмес.

Бардык аймактан ымыркайларды тизмеге кошуу үчүн Бишкек, Талас жана Чүйдөн бирден ымыркайды тандоо сунушталган. Жыйынтыгында 6 миллионунчу жаранды эсепке алуу менен президент жалпы 14 ымыркайдын үй-бүлөсүнө жардам көрсөттү.

Аталган 14 ымыркайдын энелери:

Нурзида Ахунова - Ош облусу

Матлюба Башихтинова - Жалал-Абад облусу

Рахат Белекова - Ош шаары

Бусурман кызы Айкөкүл - Ош облусу

Каныбек кызы Махабат - Ош облусу

Кубанычбек кызы Сымбат - Ысык-Көл облусу

Наргиза Мамажанова - Ош шаары

Гүлмира Махмадшоева - Чүй облусу

Екатерина Никонова - Бишкек шаары

Тазагүл Пахырова - Баткен облусу

Рамила Токтомамбетова - Талас облусу